yami وشِمْ مُخلد !
المساهمـــات : 1673 الأعجـابــات : 13 جنسڪ ! : العمل/الترفيه : الانترنت+ التصميم
| موضوع: على اسم مصر (برعاية Anonymous) السبت أبريل 20, 2013 3:43 am | |
|
على اسم مصر:على اسم مصر التاريخ يقدر يقول ما شاء
أنا مصر عندي أحب وأجمل الأشياء
باحبها وهي مالكه الأرض شرق وغرب
وباحبها وهي مرميه جريحة حرب
باحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب
على اسم مصر.مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرا في الجرنالالكاتب المصري ذاته مندمج في مقال ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال
على اسم مصر.شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
...... ...
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيبعلى اسم مصر. مصر الرمال العتيقة وصهدها الجبار
والنيل كخرطوم حريقه وحيد في وسط النار
في إيدين بشر نمل رايحه وجاية ع الضفة
فيهم مطافي وفيهم كدابين زفة
وفيهم اللي تعالى وقال أنا حكمدار
وكل باب م البيبان مقفول على اسرار
وكل سر بحريقة عايزة تتطفا
من أهلي تندهلي وتقوللي تعا اتدفا
أنا اللي عمري انكتب إلى يوم ما اتوفى
على اسم مصر.
مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا احساس
وناس تنام لما يزحف موكب الأحداث
على اسم مصر.
النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد
على اسم مصر. مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة والا اسمعها مشخوطه
شبكة رادار قلبي جوه ضلوعي مضبوطة
على اسم مصر.
ملاحظة: انا لست مصريا
|
[/center] | |
|
marwaa عَيون سآهرة
المساهمـــات : 8970 عُمرڪ ! : 30 الأعجـابــات : 121 sms : آسِـتٌـغُفُـرآلَلَهّـ أوسمتكك ! :
جنسڪ ! : العمل/الترفيه : Dentistry
| موضوع: رد: على اسم مصر (برعاية Anonymous) السبت أبريل 20, 2013 9:43 am | |
|
عنجد روعه هالقصيده عن مصر انها بلدي
موضوع منسق جدا من قبل انوميس بس نحناراح نكون افضل
لاننا عصابه الخطر (danger )المخفيه
لاتنسي شعارنا^^
| |
|
marwaa عَيون سآهرة
المساهمـــات : 8970 عُمرڪ ! : 30 الأعجـابــات : 121 sms : آسِـتٌـغُفُـرآلَلَهّـ أوسمتكك ! :
جنسڪ ! : العمل/الترفيه : Dentistry
| موضوع: رد: على اسم مصر (برعاية Anonymous) السبت أبريل 20, 2013 9:43 am | |
| عنجد روعه هالقصيده عن مصر انها بلدي
موضوع منسق جدا من قبل انوميس بس نحناراح نكون افضل
لاننا عصابه الخطر (danger )المخفيه
لاتنسي شعارنا^^
| |
|
yami وشِمْ مُخلد !
المساهمـــات : 1673 الأعجـابــات : 13 جنسڪ ! : العمل/الترفيه : الانترنت+ التصميم
| موضوع: رد: على اسم مصر (برعاية Anonymous) السبت أبريل 20, 2013 2:53 pm | |
| شكرا اختي لمرورك ولكن سنبقى الافضل واكسل سيبقى قائدنا | |
|
سبيكترا نائب أدارَيَ ،
المساهمـــات : 4323 عُمرڪ ! : 28 الأعجـابــات : 56 sms : ANONYMOUS
أوسمتكك ! :
جنسڪ ! : العمل/الترفيه : سئمت من العالم
| |
yami وشِمْ مُخلد !
المساهمـــات : 1673 الأعجـابــات : 13 جنسڪ ! : العمل/الترفيه : الانترنت+ التصميم
| موضوع: رد: على اسم مصر (برعاية Anonymous) السبت أبريل 20, 2013 4:12 pm | |
| شكرا اختي لمروك الجميل
وانشاللة الله يحفظ مصر
امــــــــــــــين | |
|