مبروووك يا اللي بتكذب او بتخون او بتظلم او .........

السلام عليكم و رحمة الله و بركاته
يا رب تكونوا بأحسن حال


كلنا ممكن نكذب او حد يكذب علينا
و ممكن نظلم او حد يظلمنا
ممكن نخون او حد يخونا

للبنت اللي صاحبتها بتحكيلها اسرارها
و هي بتروح تنشرها بين الناس عشان تبين
انها احسن منها

بقولها : مبرووووووك
بكرة حيجي حد يخونكو يفضح اسرارك زي ما
حضرتك عملتي فى صاحبتك



و للولد اللي بيلعب ببنات الناس و يخدعهم
و يسوء سمعتهم و يروح يسيبها و كأنه ما عملش
حاجة
و الأسوأ يروح يحكي لأصحابه عن بطولاته
عشان يبين انه بطل و يقولوا عليه انه جامد
و كمان اللي بيعاكس
بقوله : مبروووووووك
بكرة تشوف اللي عملته دا فى اختك
او حد من حرماتك

اما البنت اللي بتخون ثقة أهلها و بتخدعهم
اللي بتكدب عليهم و بتستغفلهم
او البنت اللي بتستهزئ بوالديها قدام
اصحابها انهم دقة قديمة

بقولها : مبروووووووك
بكرة اولادك يعملوا فيك نفس اللي انتي بتعمليه
و بكرة حتثقي فى حد و حيخون ثقتك

اما الشخص اللي بيظلم الناس و بيأخد حقهم
عشان عنده سلطة و نفوذ و بيذلهم بيها

بقوله : مبرووووووك

بكرة يجي اليلي يذلك و يظلمك
و يعمل فيك اللي عملته فى الناس


بإختصار
يا اللي بتكذب أو بتظلم أو بتخون
أو بتأذي أو بتذل  أو بتفضح
أو بتخدع و بتغدر

بكرة كل دا حيتعمل فيك

بس افتكر وقتها

اللي انت عملته و اوعى تستغرب
اصل الأرض دائرية و الدنيا دوارة
و اللي بتعمله حيدور و يرجعلك
و انت اذا كنت انت اللي اتعمل فيك كدة
ما تزعلش أو تفكر تنتقم
صدقني حقك حيرجعلك و بدون ما تعمل حاجة

و بإختصار شديد


أعمل النهاردة الحاجة اللي عايزها  تتعمل فيك بكرة