نيرة محمد عضو جديد
المساهمـــات : 13 الأعجـابــات : 10 جنسڪ ! :
| موضوع: أنا عصيت ربنا مبارح ..... ومبسوطة كتيييير إني عصيتو الإثنين يوليو 20, 2009 8:52 pm | |
| السلام عليكم ورحمة الله وبركاته
أنا انهاردة ياجماعة مبسوطة جداااااااا
لأني بصراحة إنهاردة عصيت ربنا
ومهمنيش
جاهرته بالمعصية ومفرقتش معايا
طب وإيه يعنى المهم أتبسطت وقضيت وقت جميل وخلاص
إيه دا ... إيه دا ....؟؟
مالكم كدا بتحتقروني بينكم وبين نفسكم؟
انتو كمان زيي
آه زيي
أو كنتم زيي
وما تستغربوش أو ى كدا وتقولوا
لالالالالالالالا دا إحنا بنحب ربنا واستحالة نحاربه.....
لاء أنتوا حاربتوه وبتحاربوه!!!!
طيب عيشوا معايا شوي في المواقف دا كدا ونشوف سوا هل إحنا بنحارب ربنا ولا لاء
أنا مبسوطة جداااا لأني... مبارح شفت حتة فيلم للمثل اللي بحبه بس كان إيه, تحفة كان نفسي أسمعه أوى من زمان وما صدقت أنه اتعرض *********
أنا مبسوط جدااااااا لأني خرجت مع صاحبتي وقضينا وقت جميل أوى مع بعض واتفسحنا وعشنا لحظات جميلة أوى **********
أما أنا مبسوطة جداااا لأني مبارح اتعرفت على واحد من المنتدى بعت لي رسالة خاصة وبيطلب منى نتعرف وأنا ارتحت له أوى وارتحت في الكلام معاه أصله بصراحة مواضيعه جميلة وأسلوبه رقيق أوى
***********
أنا مبسوط جداااا
كنت في شات روم و اتعرفت على بنت ارتحت أوي في الكلام معاها
وكلمتها مايك بس صوتها جميل أوى وقعدنا نتكلم للصبح *****
أنا مبسووووووطة جدا مبارح سمعت ألبوم المطرب....... الألبوم تحــفة وأغانيه جميلة أوى فعلا كنت هموت عشان أسمعه انتو عارفين بأه مينفعش ينزله جديد وما يكونش عندي
**********
أنا مبسوط حضرت حتة فرح بس كان إيه ...... ماأقولكمش ... ع البنات واتعرفت على واحدة كان كل الشباب بيحاولوا يوقعوها بس محدش قدر غيري
وع الأغاني ولا العروسة !! والرقص اللي اللي رقصناه ولا اللبس ولا ... ولا..... **********
مبسوطة أوى مبارح كان عيد ميلادي وحضروا لي حتة مفاجأة كانت حفلة جميلة أوى والدي جى واختيار الأغاني كان تحفة ورقصنا كلنا مع بعض ********
فرحاااااااان لأننا كنا ف رحلة مبارح وحصل بأه شوية حاجات
اتعرفنا على شلة بنات من هناك وأخدنا منهم أرقام التليفونات واتفقنا نتقابل تاني قريب
************
إنا منمتش مبارح كنت بتكلم في التليفون مع زميلي في الجامعة لحد الساعة 3 الفجر وبعديها فضلت لحد الصبح أفكر في الكلام اللي حصل
وبالرغم من كل الرعب اللي كنت فيه إن حد يصحا ويحس بيا بس كنت في قمة السعادة
*********
أما يوم عيد الحب حضرنا حتة حفلة مع البنات صاحباتنا حفلة نستنا أسامينا وبعديها خرجنا معاهم كل واحد أخد صاحبته وتفسحوا سوا واتمشينا مع بعض
***********
أنا اشتريت حتة طقم إنما إيه يابنات روووعة لو تشوفوا استايل البنطلون ولا لون البضي جنااان مشفتش حد لابس منهم
********
من الآااااااااااااااااااااااخر
مبسووووووووووط /ة جداااااا لأني
عصيــــــت ربنا!!!
هاااا
فكرتوا إنكم ممكن تكونوا بتعملوا زيي أو على الأقل كنتم بتعملوا كدا يعنى مش لوحدي دا حالنا كلنا
مش هو دا لسان حالنا ياجماعة لما بنعمل المعصية؟ مش دا حالنا في المجاهرة بالمعصية ؟
يعنى الحمد لله ربنا سترنا ومفضحناش الحمد لله ربنا أحيانا ومقبضش روحنا و إحنا بنعمل المعصية
مش نسكت بأه ونستر نفسنا لاء
دا إحنا بنخرج وبنجاهر بالمعصية وبنتمنظر بيها كمان !!
وبنقول لربنا أنا عصيتك وفرحان إني عصيتك وهأحكى لكل الناس إني عصيتك ومش هيفرق معايا.......
( والله قلبي بيتخلع وأنا بَكتب الجزء دا وبجد مش قادرة أكمله ربنا يغفر لي )
قدرنا ياجماعة نقول كدا ؟؟ قدرنا نغضب ربنا بالطريقة دي؟؟
يااااااااا الله على جهلنا وعلى سوء معاملتنا مع ربنا وهو ستير لعيوبنا ولذنوبنا وإحنا والله لو ربنا حاسبنا كما يجب كنا هلكنا دلوقتى من جراير أعمالنا
ياااااااه لما الواحد يفتكر أد إيه كان غافل وبعيد عن ربنا ولما يفتكر ذنوبه وإزاي ربنا كتب له الحياة عشان يكفر عنها
وتحسبونه هين وهو عند الله عظيم
يعنى حاجات عمرنا ما تخيلنا إنها تعمل كدا أو إنها ممكن تكتب مجاهرة بالمعصية وعلى فكرة أنا مش مكبرة الموضوع ولا حاجة *******
دي تذكرة بسيطة ليا وليكم وأتمنى أكون قدرت أوصلكم قصدي
علشان لو فيه حد فينا لسه يجاهر بالمعصية ينتبه وياخد باله ولو كان حد فينا عمل كدا زمان وربنا هداه دلوقتى لكن ما تابش يتوب لأن الذنب لو ما تبناش منه ربنا هيحاسبنا عليه حتى لو كنا بطلنا نعمله
وطبعا دي كلها مواقف من وحى الخيال لكنها وااااقعية جدااااااا
بس حبيت أتكلم بصيغة المتكلم لأنها بتوصل أسرع وأفضل في التعبير....
رب اجعل هذا العمل صالحا
ولوجهك الكريم خالصا
ولا تجعل لي منه حظا
ولا للشيطان منه نصيبا وتقبله مني يا ربنا قبولا حسنا
اللهم آمين
وصلى الله على سيدنا محمد وعلى آله وصحبه وسلم
من أقوال الإمام ابن عطاء الله الاسكندري : " أصل كل معصية وغفلة وشهوة الرضا عن النفس , وأصل كل طاعة ويقظة وعفة عدم الرضا منك عنها , و لإن تصحب جاهلاً لا يرضى عن نفسه , خير لك من أن تصحب عالماً يرضى عن نفسه , فأي علم لعالم يرضى عن نفسه , وأي جهل لجاهل لا يرضى عن نفسه "
| |
|
ايروكا عنِوآن آلتميزُ
المساهمـــات : 900 عُمرڪ ! : 33 الأعجـابــات : 11 جنسڪ ! :
| موضوع: رد: أنا عصيت ربنا مبارح ..... ومبسوطة كتيييير إني عصيتو الجمعة أغسطس 14, 2009 9:29 am | |
| شكرا على الموضوع تقبل مروري مع فائق الاحترام والتقدير | |
|
الجنرال ناروتو عضو نشط
المساهمـــات : 144 الأعجـابــات : 10 جنسڪ ! :
| موضوع: رد: أنا عصيت ربنا مبارح ..... ومبسوطة كتيييير إني عصيتو الجمعة أغسطس 14, 2009 11:19 am | |
| شكرا جزيلا على الموضوع المفيد جدا | |
|
نقطة بدآي?َ ، التآلقَ
المساهمـــات : 424 الأعجـابــات : 0 جنسڪ ! :
| |