خمسه جنيه. روعه

في يوم من اﻻيام في راكب اداني 5 جنيه مقطعة وقديمة اوووي ، الله يسامحه اللي لبّسهالي بقى، حاولت أخلص منها كتير ومعرفتش، كُل ما أقف عند كُشك أجيب
حاجة اللي واقف يقولي " شوفلي 5 جنيه غير دي " ، كُل ما أر، بقيت ازنقها بين الفلوس بردو بتتقفش حتى محطات
البنزين اللي بياخدوا أي فلوس مرضيوش ياخدوها، لدرجة إني ف مرة حاولت أديها ل بنت اختي فبصتلي بصة. رخمه أوي ف اديتها غيرها وفضلت أنا ﻻبس فيها.. اقتنعت إني خﻼص مش هعرف أخلص منها، وبطلت أحاول أصرفها، فضلت شايلها ف المحفظة وأنا مش
معتبرها فلوس، مُجرد ورقة ف المحفظة وخﻼص، فلوس تروح وفلوس تيجي، فلوس عيدية وأول مرتب وأول تيبس، فلوس حوّشتها وجبت بيها موبايل وفلوس وقعت مني واتحسرت عليها، كُل ده وهيّ زي ما هيّ، مكانها ثابت مبيتغيرش، عُمرها ما حسستني إن
محفظتي فاضية، حتى لو فلوسي كُلها خلصت كُنت دايمًا هﻼقي ال 5 جنيه القديمة بتاعتي قاعدة جوه ومربعة، دايمًا موجودة ..لحد ما من فترة كُنت معدّي على كُشك، صاحبه واحد معرفة، وكان نفسي ف كيس الشيتوس أبو 5 جنيه،
خدت واحد ورُحت أحاسبه، ومكنش معايا غير 200 جنيه، وهو مكانش معاه فكة، وبعد كثير من ال " خليها علينا المرادي " و " المكان مكانك " وبتاع، ضرب عينه ف المحفظة شاف ال 5 جنيه بتاعتي، قالي " ما انت معاك 5 جنيه أهي ما تجيبها " ، طلعتها وريتهاله وقلتله بسخرية " مش هتنفعك دي خالص صدقني، مش هتعرف تصرفها،
لقيته راح ضاحك وقام قالي "هاتها وملكش دعوة .." وهو بيمد إيده عشان ياخدها لقيتني ف رد فعل غريب
مني برجع إيدي لورا وبتبّت ع ال 5 جنيه ف إيدي أكتر !! استغربت ردة فعلي دي أوي، هو أنا مش عايز
أديهاله وﻻ إيه؟ ! مش دي ال 5 جنيه اللي كُنت هموت وأخلص منها ؟ ! مش دي ال 5 جنيه المقطعة الملزقة اللي حالتها بالبﻼ ؟ ! ليه هاين عليّا إني أديهاله أوي
كده ؟ ! ليه حاسس إني مش عايز أديهاله !! استعبطت نفسي أوي ف لحظتها، وابتسمت واديتهاله وخدت كيس الشيتوس ومشيت، تاني يوم وأنا نازل
بفتح المحفظة عشان أحط فيها رخصتي ملقتش ال 5 جنيه، اتخضيت وقلبي اتقبض، افتكرتها وقعت مني، وبعدين افتكرت إني صرفتها امبارح وكُنت ناسي، وإني مش هشوفها ف محفظتي تاني، وحسيت ساعتها إني زعﻼن ..
صدقيني أنا عارف إن إحنا مش مُناسبين لبعض، عيوبك كتير وعيوبي أكتر، ومكناش مستحملين بعض أساسًا،
بس ده ميمنعش إني كُل فترة بفتح قلبي .. أقصد " محفظتي " وأدوّر عليكي جواها، ده ميمنعش إني كُل ما بشوف واحدة شبهك ببتسم وأفتكرك وانتي بتطلّعي عيني كُل يوم، مُمكن أكون اتخليت عنّك، حقيقي مُمكن
أبقى مش عايزك ترجعيلي، بس ده ميمنعش إنك بتوحشيني، وإني من حقي أحن كُل فترة وأفتكرك،
وإني حقيقي نفسي أطمّن عليكي، ﻷ أنا فعلًا هطمّن عليكي ..
عديت من يومين على صاحب الكشك إياه واشتريت منه حاجة والكﻼم جاب كﻼم، وبعدين قلتله " فاكر ال 5 جنيه المقطعة اللي اديتهالك من كام شهر؟ ! قولي هيّ ..هيّ لسة معاك ؟ !
رد وقالي " ياااه ، معقول لسة فاكرها؟ ! يا ريّس انساها خﻼص، دي راحت لصاحب نصيبها "!
ابتسمت غصب عني، وبعدين قلتله " العشرة بقي والذكريات 😃
ناس كتير بنبقي فاكرينهم من كتر التعود اننا ممكن نستغني عنهم .. وفعلا بنقدر نستغني ونبعد . فجأه ايه ده هما فين حياتنا ناقصة من غيرهم ليه. . بس لا احنا اتعودنا عليهم وبعدهم هيفرق احنا الي عبط وكتر قرب الحاجة مننا بيخلينا نفكر ان ممكن نستغني عنها عادي 
ومع اولا اختيار ل الفراق بنجيب ورا ونفهم انها ليها دور ف حياتنا ودور جامـد كمان احنا ضعاف بزيادة

ناس كتير بنبقي فاكرينهم من كتر التعود 

اننا ممكن نستغني عنهم .. وفعلا بنقدر 

نستغني ونبعد . فجأه ايه ده هما فين 

حياتنا ناقصة من غيرهم ليه. . بس لا 

احنااتعودنا عليهم وبعدهم هيفرق احنا 

الي عبط وكتر قرب الحاجة مننا بيخلينا 

نفكر ان ممكن نستغني عنها عادي مع 

اولا اختيار ل الفراق بنجيب ورا ونفهم 

انها ليها دور ف حياتنا ودور جامـد كمان 

احنا ضعاف بزيادة




[ندعوك للتسجيل في المنتدى أو التعريف بنفسك لمعاينة هذا الرابط] بالصميم 
شكـرا علي مشآركه هذه المقاله معناَ

شكرا لمرورك الرائع
الحياه مثل محطات القطار 
لابد ان تفارق احدهم وينضم اليك اخر

وكتير ر بنعشق ولا بنطول 
وكتير  بنعشق  ولا بنطول
ومفيش حكايه بتستمر زي مابدأت ليه علي طول
قرار الفراق يمكن يكون سهل 
لاكن عواقبه بتكون في اوقات كتير لاتحتمل اصعب مما نتخيل